Kóliktiń júksalǵyshynan ózine tán erekshe ıisi bar, aýzy skotchpen oralǵan polımerli paketten ósimdik tektes zat shyǵady. Saraptamaǵa salǵanda onyń salmaǵy 4 kg 960 gr esirtki quraly –keptirilgen marıhýana ekeni anyqtalǵan. Bul asa iri kólemdegi esirtkige jatady. Atalǵan fakti Qylmystyq kodekstiń 296-baby 4-bóligi
«Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha Sotqa deıingi tergep-tekserýdiń biryńǵaı tizilimine engizildi.
«Qazir ustalǵan adamnyń esirtki satýǵa qatysy bar-joǵy tekserilýde. Onyń aýdan ortalyǵy - Beskólde turatyn úıin teksergen kezde ósimdik tektes zat oralǵan eki polımerli paket pen tarazy tabyldy. Alynǵan zattar sot-hımııalyq saraptamasyna jiberildi. Kúdiktige qatysty qamaýǵa alý túrindegi bultartpaý sharasy qabyldandy», deıdi SQO PD Esirtki qylmysyna qarsy is-qımyl basqarmasynyń bastyǵy, polısııa polkovnıgi Jandos Basybaev.
Adamnan asa iri kólemdegi esirtki tabylsa 3 jyldan 7 jylǵa deıingi merzimge bas bostandyǵynan aıyrý jazasy qarastyrylǵan. Al eger ol satý maqsatyna qoldanylǵany dáleldense 20 jylǵa deıin bas bostandyǵynan aıyrý jazasy kózdelgen. Jyl basynan beri Soltústik Qazaqstan oblysynyń polıseıleri esirtkini zańsyz satýmen baılanysty 10 kúdiktige qatysty 13 qylmystyq isti sotqa jiberdi. Esirtkiniń zańsyz aınalymyna baılanysty aýyr jáne asa aýyr qylmys úshin 16 adam ýaqytsha ustaý ızolıatoryna qamaldy.
