«Energetıka mınıstrligine, «QazMunaıGaz» ulttyq kompanııasyna qurylyp jatqan jańa tehnologııalardyń quzyrettilik ortalyǵynyń qyzmetinde sýtegi energetıkasyn basym baǵyt retinde aıqyndaýdy tapsyramyn. Biz ınvestısııa tartý boıynsha belsendi jumysty jalǵastyramyz. Búginde qazaqstandyq shıkizat taýarlarynyń eksporty óńdelgen taýarlar eksportynan úsh ese artyq. Osyǵan baılanysty eksport qurylymynyń ózgerýi ekonomıkanyń qurylymyn birdeı ózgertti», degen Prezıdent sheteldik ınvestorlardy Qazaqstan ekonomıkasyndaǵy qurylymdyq ózgeristerge belsendi qatysýǵa shaqyrdy.
«Men sizderge bizdiń kólik-logıstıkalyq áleýetimizdi arttyrýǵa baǵyttalǵan naqty usynystaryńyz úshin alǵys aıtamyn. Keńestiń kóptegen músheleri – General Electric, Morbeni, PwC kompanııalary, Dúnıejúzilik bank – kólik-logıstıkalyq qyzmetter sapasynyń tıimdiligi máselelerine, ásirese halyqaralyq ortalyqtardyń jumysyna, halyqaralyq yntymaqtastyq bóliginde nazar aýdardy. Bul shynymen tar moıyn, ony keńeıtý kerek», dep túıindedi Prezıdent.
