Petropavlda belgisiz bireýlerdiń kópqabatty úıdiń mańynda ıtti soıǵany jaıly beınejazba áleýmettik jelide tarady.
Soltústik Qazaqstan oblysy polısııa departamenti baspasóz qyzmetiniń málimetinshe, osy derekke qatysty Petropavlda QR QK 316-baby «Janýarlarǵa qatigezdik jasaý» boıynsha sotqa deıingi tergeý bastaldy. Qazirgi ýaqytta Birinshi polısııa bóliminiń qyzmetkerleri sotqa deıingi tergeý aıasynda jumys istep jatyr.
Itti soıǵandar 42 jastaǵy er adam men 60 jastaǵy áıel. Jedel ýákilder olardy anyqtap, ustady.
Petropavldaǵy «Faýna» qoǵamdyq birlestigi ókilderi de bul oqıǵa jaıynda pikir bildirdi.
«Búgin barlyǵy jantúrshigerlik beınajazbany kórdi... Bul ońbaǵandardy jazalap, qylmystyq jaýapqa tartý úshin barynsha kúsh salǵan boıjetkenge alǵys aıtamyz. Qazir men de baryp, «Faýna» QB volonterleri atynan aryz jazamyn. Mundaı aryzdardyń kóp bolǵany durys, sonda olar jazadan qutylyp ketpeıdi.
2020 jyly bul áıel bizge de kelip ıt suraǵan edi. Olardan buǵan deıin de qanshama janýar zardap shegýi múmkin», deıdi volonter.
