Oqys oqıǵa baqylaý kamerasyna jazylǵan. Er adam dúkenge kirip, eki satýshy men kishkentaı qyzdy buryshqa taqap alyp, doq kórsetip tur. Keıin eki áıel de taıaq jep, shettegisi birneshe márte pyshaqtalady. Kishkentaı qyz anasyn qorǵap álek. Biraq qaskóı oǵan qarap jatqan joq. Aqyrynda ol oqıǵa orynan iz sýytady. Biraq dúkennen shyǵa bergende tártip saqshysynyń kózine túsip, ustalyp qalady.
«Ol Aqtóbe qalasynyń 37 jastaǵy turǵyny bolyp shyqty. Onyń jábirlenýshimen birneshe jyldan beri baılanysy bolyp, Oralǵa jıi kelip júrgeni anyqtaldy. Sol kúni kezekti márte súıktisin izdep kelgen beti eken. Al tártip saqshylary kúdiktiniń bul qadamǵa barýyna qyzǵanysh sebep bolǵan deıdi. Qylmys jasaǵan kezde mas bolǵan. Ǵashyǵyn mert qyla jazdaǵan Aqtóbe turǵyny qamaýǵa alyndy. Al jábirlenýshi jansaqtaý bóliminde jatyr», delingen BQO PD baspasóz habarlamasynda.
