Birge turǵandaryna bir jyl da bolmaǵan 100 erli-zaıyptynyń beseýi ajyrasyp ketken. Eń kóp neke qalalarda tirkelgen: 21,8 myń. Bul ótken jylmen salystyrǵanda 13,3%-ǵa artyq. Aýyldarda neke sany 14,1%-ǵa nemese 10,5 myńǵa deıin ósken.
Qala turǵyndary arasynda ajyrasý jıi kezdesedi: 3,6 myń ajyrasý. Bul ótken jyldyń birinshi toqsanymen salystyrǵanda 52,7%-ǵa az. Aýyl turǵyndary arasynda ajyrasý 63,1%-ǵa nemese 995-ke deıin azaıǵan. Qalalarda aýyldarǵa qaraǵanda 2 ese kóp neke qıylǵan, al ajyrasý 3,6 ese kóp tirkelgen.
Eń kóp neke Almatyda tirkelgen: elimizdegi nekeniń 12,4%-y nemese 4 myń. Bul ótken jylmen salystyrǵanda 9,8%-ǵa artyq.
Úzdik úshtikke Túrkistan (3,7 myń neke) jáne Almaty (3,5 myń neke) oblystary endi. Eń azy – Soltústik Qazaqstan oblysynda: 700 neke, jyldyq ósim – 3,6%.
Al Qostanaı oblysynda neke sany azaıǵan: 988. О́tken jylmen salystyrǵanda 7,7%-ǵa az. Neke sanynyń eń kóp ósýi elordada tirkeldi: jylyna 32,8% nemese 2,7 myńǵa deıin. Sondaı-aq Atyraý jáne Aqtóbe oblystarynda da joǵary ósim tirkelgen. Ajyrasqandar sany boıynsha Almaty kósh basynda: 669 ajyrasý, ótken jylmen salystyrǵanda 52,4%-ǵa az. Keıin tizimde Almaty (478 ajyrasý) jáne Qaraǵandy (446 ajyrasý) oblystary tur. Eń az ajyrasý – Qyzylorda oblysynda: 97.
Osy jyldyń birinshi toqsanynyń qorytyndysy boıynsha elimizdiń barlyq óńirinde ajyrasý sanynyń jyldyq qysqarýy tirkelgen. 2020 jyly 128,8 myń er men sonsha áıel nekesin qıǵan. Erler arasynda 107,6 myń adam buryn úılenbegen, 19,8 myń adam buryn ajyrasqan, 1,3 myń adamnyń áıeli buryn qaıtys bolǵan, 162 er adam buryn úılengen-úılenbegenin kórsetpegen.
Áıelder arasynda 109,5 adam buryn turmysqa shyqpaǵan, 17,4 myńy ajyrasqan, 1,6 áıel jesir, 392 áıel buryn turmysqa shyqqan-shyqpaǵanyn kórsetpegen. Erler arasynda 80,2 myń adam 29 jasqa deıin, 20,6 myń – 30-dan 34 jasqa deıin, 9,2 myń – 35-39 jas aralyǵynda úılengen. 18 jasqa deıin 72 er adam, zeınetkerlik jastaǵy 2,8 myń adam nekesin qıǵan.
