«Prezıdenttiń saıası reformalarynyń aıasynda jarııalanǵan birinshi paket tolyq júzege asyrylǵan bolatyn. Sonyń aıasynda 8 zań qabyldandy. Onyń ishindegi eń úlken zańdardyń biri – jıyndar týraly zań bolatyn. Bul zańnyń qabyldanǵanyna bir jyldan asty. Sol bir jyldyń ishinde beıbit jıyndar men mıtıngiler týraly zań qalaı jumys istedi?
Jaqynda ǵana sarapshylarmen osy máseleni talqylaǵanbyz. Sol kezde sarapshylar bul zańnyń is júzinde qandaı ózgerister alyp kelgenin aıtty. Baıqasańyzdar, ártúrli qoǵamdyq toptar emin-erkin beıbit jıyndar ótkizý quqyǵyna ıe bolyp, úlken qalalardyń ortalyqtarynda jıyndar ótip jatyr», dedi Erlan Qarın Ulttyq keńestiń eki jyldaǵy jumysy talqylanǵan jıynda.
Sondaı-aq, ol atalmysh zańnamalyq ózgeris elimizdegi saıası plıýralızmniń damýyna, belsendi azamattyq jáne qoǵamdyq toptardyń óz máselelerin ortaǵa shyǵaryp talqylaýyna múmkindik bergenin atady.
