Almatyda 2021 jyldyń 11 maýsym kúni jaǵdaı boıynsha koronavırýstyq ınfeksııanyń 124 jańa jaǵdaıy tirkeldi, onyń 101 sımptomdyq belgileri bar jáne 23 sımptomsyz.
Barlyq emdelip shyqqandar sany – 131, kelip túskeni – 77. Barlyq ınfeksııalyq stasıonarlarda (2 530 tósek-oryn) 802 adam (onyń ishinde 41 balalar) naýqas emdelip jatyr. Jalpy reanımasııa jáne qarqyndy terapııa bólimshesinde – 76 bar. О́JJ – 8, ınvazıvti emes О́JJ – 28, High flow-da 23 apparat jumys isteıdi.
Búgingi tańda BMSK men Telemedısına ortalyǵynyń mobıldi toptarymen birge úı jaǵdaıynda 1 117 naýqas baqylaýda, olardyń ishinde jeńil jáne ortasha aýyrlyq dárejesinde 908, sımptomsyz 209 naýqas bar.
Sońǵy táýlikte Almaty qalasynda 4 594 adam vaksınasııa aldy. Bıylǵy 1 aqpannan beri 334 265 adam vaksınasııalandy. Vaksına alǵandar ishinde 60 jastan asqan qart kisiler 32 150 adamdy quraıdy. 2021 jyldyń 10 maýsym kúni Almaty qalasy Qoǵamdyq densaýlyq basqarmasyna qytaılyq «Sinovac Biotech» kompanııasy shyǵarǵan CoronaVac vaksınasynyń jalpy sany 46 000 dozasy (1 jáne 2 komponent) jetkizildi.
«Búgingi tańda Almatyda medısınalyq uıymdarda, mektepterde, mádenıet, sport obektilerinde, bazarlarda jáne qalanyń SOSO-da 211 vaksınasııa pýnkti jumys isteıdi. 304 vaksınasııa brıgadasynda 1 257 medısına qyzmetkerleri jumyldyryldy. Qala boıynsha vaksınanyń qaldyǵy – birinshi komponenttiń 51 698 dozasy jáne ekinshi komponenttiń 103 449 dozasy bar», dep habarlaıdy Almaty qalasy Qoǵamdyq densaýlyq basqarmasynyń baspasóz qyzmeti.
