Polısııa qyzmetkerleri is-shara kezinde 146 tehnıkalyq qyzmet kórsetý stansasyn, jeke avtosheberhanalar men garaj kooperatıvterin, avtoturaqtardy, avtokólikterdi bólshekteý men avtobólshekterdi satý oryndaryn tekserdi.
«Atyraý oblysy aýmaǵynda avtokólikter urlyǵy men aıdap áketýge qatysy bar adamdardy anyqtaý, ustaý jáne qylmystyq jaýapkershilikke tartý maqsatynda «Aıdap áketý» jedel-profılaktıkalyq is-sharasy ótkizildi. Is-shara kezinde jedel-tergeý toptary qurylyp, kúdikti adamdardy anyqtaý, ustaý úshin jedel-izdestirý, arnaıy tergeý júrgizildi. Nátıjesinde polıseıler 5 aıdap áketý deregin anyqtady. Atalǵan derekterge qatysy bar 5 adam qylmystyq jaýapkershilikke tartyldy», dep habarlady departamenttiń baspasóz qyzmeti.
