Bul týraly Aljırdiń resmı teledıdary táýelsiz ulttyq saılaý organyna (ANIE) silteme jasap habarlaǵan. Aljır parlamentiniń tómengi palatasy 407 orynǵa ıe. Parlamenttiń tómengi palatasynda 22 myńnan astam kandıdat mandat alýǵa úmitker.
Daýys berýdi 13 myń saılaý ýchaskesinde 18:00-ge deıin ótkizý josparlanǵan bolatyn. Bul ýchaskelerde barlyǵy 61 543 saılaý jáshigi ornatyldy. Alaıda saılaýshylardyń az kelýine baılanysty daýys berý prosesi eki saǵatqa uzartyldy.
ANIE basshysy Muhammed Sherfıdiń aıtýynsha, daýys berýdiń resmı nátıjelerin jarııalaý zańmen ruqsat etilgen 96 saǵatqa sozylýy múmkin, óıtkeni qazirgi saılaýshylardy sanaý prosesi burynǵy saılaýlarǵa qaraǵanda «ózgesheleý».
2019 jylǵy jappaı narazylyqtar aıasynda prezıdent Abdelazız Býteflıka qyzmetten ketýge májbúr boldy, sodan keıin Afrıka elinde birqatar qaıta qurýlar júrgizildi. Atap aıtqanda, prezıdent saılaýy ótkizilip, jańa Konstıtýsııa qabyldanǵan bolatyn.
Qazirgi bılik eldegi ótpeli prosestiń áli de jalǵasyp jatqandyǵy týraly jıi málimdemeler jasaıdy, biraq oppozısııa reformalardy «kosmetıkalyq» dep synap turady.
