Ordabasy APB-ǵa jergilikti turǵyn aryzdanyp kelgen. Jábirlenýshiniń aıtýynsha, ózine tıesili jerin belgisiz áıel notarıýsqa baryp, satýǵa jalǵan senim hat alǵan. Sodan soń qujat boıynsha ol jerdi óziniń joldasyna satqan. Al kúıeýi bolsa ózge bireýge satyp jibergen. Osylaısha jábirlenýshige 400 myń teńge shyǵyn keltirgen.
Tártip saqshylary atalǵan jaıtty QR QK-niń 385-baby (Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý) boıynsha SDTTBT-ǵa tirkedi. Ordabasy APB-nyń polıseıleri jedel-izdestirý jumystaryn júrgizip, kúdikti dep tanylǵan jergilikti turǵyndy ustap, PB-ǵa jetkizdi.
Jalǵan jasalǵan is-qujattarǵa saraptama taǵaıyndaldy. Qazirgi tańda atalǵan jaıtqa baılanysty tergeý amaldary júrgizilýde.
