Kúnshyǵys eliniń ókilderi aıtýly dodada ekinshi qurammen óner kórsetkenine qaramastan, barlyq básekede óz qarsylastarynan basym tústi. Toptyq týrnırde olar Ýkraınany utsa, jartylaı fınalda Reseı quramasynyń tas-talqanyn shyǵardy. Aqtyq aıqasta azııalyqtar Fransııanyń balýandarymen sheberlik baıqasty. Olar óz kezeginde Nıderland, Grýzııa jáne О́zbekstannyń órenderin joldarynan yǵystyrǵan edi. Fınaldyq saıysta Japonııa balýandarynyń qarqyny tym kúshti boldy. Olar fransýzdardy bet qaratpaı utyp, komandalyq jarystyń bas júldesin oljalady. Al qola medal Brazılııa men О́zbekstannyń dzıýdoshylaryna buıyrdy.
Bul jarysta Qazaqstannyń dzıýdoshylary da óner kórsetken edi. Alǵashqy aınalymda jerlesterimiz brazılııalyqtardan 0:3 esebimen jeńilgenine qaramastan, tarazy basyn teńestire aldy. Bul rette Ańsarbek Ǵaınýllın (73 kg), Ersultan Muzafarov (90 kg) jáne Móldir Narynova (70 kg) óz qarsylastaryn qapy qaldyrdy. Biraq qosymsha kezdesýde Ońtústik Amerıkadan kelgen oǵlandardyń baǵy jandy.
