«Taýgúl» shaǵynaýdanynda 26-dan 31 jasqa deıingi úsh kúdikti esik kiltin tańdaý arqyly bótenniń páterine kirip, jasyryn túrde altyn buıymdardy urlap ketken. Alaıda polısııa qaskóılerge qylmystyq jospardy sońyna deıin oryndaýǵa múmkindik bermedi.
– Bizdiń bólimniń qyzmetkerlerimen jedel is-shara qatar júrgizildi. Kúdiktilerdi ustaý arnaıy jasaq sarbazdarynyń kómegimen júzege asyryldy. Urylardy tekserý jáne jeke tintý kezinde qylmys quraldary: bolt keskish, buraǵyshtar, esiktiń qulpyn ashýǵa qajetti – ártúrli sheber kiltter, seıf tabyldy jáne tárkilendi. Sonymen qatar kúdiktilerden páter ıesiniń altyn buıymdary tabyldy. Qazirgi ýaqytta turǵyn úıge zańsyz kirgen qaskóıler Almaty qalalyq Polısııa departamentiniń ýaqytsha ustaý ızolıatoryna qamaldy. Kúdiktilerge qatysty 188-baptyń 3-bóliminde kózdelgen is-áreketter – iri kólemde jasalǵan urlyq boıynsha tergeý júrgizilip jatyr, – dedi Almaty qalalyq PD Krımınaldyq PB-nyń bastyǵy Qýatbek Naýatov.
