Kásiporynda AQSh, Sıngapýr jáne Germanııada qoldanylatyn kólemdi-bólikti úı qurylysynyń ınnovasııalyq tehnologııalary qoldanyldy, sonyń arqasynda álemdegi úzdik tájirıbeler paıdalanylyp kólemdi blok-modýlderdiń óndirisi jasaldy.
Kompanııa qyzmetiniń negizgi baǵyty qurastyrmaly temirbeton buıymdaryn konveıer boıynsha óndirý, sondaı-aq ǵımarattar men qurylystardy salýda ilespe qurylys-montajdaý jumystaryn júrgizý bolyp tabylady.
Zaýyt eńbekkerleri elimizdegi modýldik qurylystyń damý keleshegi, múmkindikteri men problemalary týraly senatorlarǵa aıtyp berdi. О́tken jyldyń shilde aıynda salynǵan zaýytta temirbeton buıymdary avtomatty túrde jasalatyn aǵyndy prosesi qoldanylady. Bul qurylys merzimin tórt ese qysqartýǵa múmkindik beredi.
«Jalpy, bul sapar modýldi qurylys tájirıbesin engizý múmkindigin zerdeleýge, sondaı-aq qazirgi problemalardy anyqtaýǵa múmkindik beredi dep kútilýde. Tıisti memlekettik organdarmen budan bylaıǵy talqylaý barysynda máselelerdi sheshý joldary anyqtalatyn bolady», dep atap ótti senator Álimjan Qurtaev.
Qurylystyń bul baǵyty 2020-2025 jyldarǵa arnalǵan «Nurly jer» turǵyn úı qurylysy memlekettik baǵdarlamasy boıynsha damyp keledi. Shara barysynda mundaı kásiporyndardyń qurylysy Almaty jáne Shymkent qalalarynda da josparlanǵany atap ótildi.
