Alǵashqy kezeńde Almatynyń «Qaıraty» Haıfanyń «Makkabıimen» kezdesedi.1913 jyly qurylǵan aıtýly klýb Izraıl chempıonatynda 12 márte bas júldeni oljalady. Sońǵy ret olar bıylǵy maýsymnyń qortyndysy boıynsha teńdessiz dep tanyldy. El kýbogy jolyndaǵy jarysta alty ret top jardy.
«Makkabı» - Izraıl fýtbol tarıhyndaǵy ÝEFA Chempıondar lıgasynyń toptyq kezeńinde óner kórsetken tuńǵysh komanda (2002/2003). Sol jarysta olar jeti upaı jıyp, úshinshi orynǵa taban tiredi. Eýro dodadaǵy olardyń eń úzdik kórsetkishi – Kýbok ıegerleri kýbogynyń (1998/1999) shırek fınaly jáne ÝEFA kýbogynyń (2006/2007) 1/8 fınalyna deıin jetýi.
Bul kúnderi Barak Bahar jattyqtyratyn komandanyń negizi jergilikti fýtbolshylardan jasqatalǵan. Sondaı-aq, «Makkabıdiń» sapynda Aýstralııa, AQSh, Gambııa, Nıderland, Serbııa, Kamerýn, Ispanııa, Sýrınam syndy memleketterdiń de ókilderi bar.
«Makkabı» men «Qaırat» arasyndaǵy alǵashqy oıyn 6/7 shildede Haıfadaǵy 30 780 kórermen syıatyn «Sammı Oferde» jáne qarymta kezdesý 13/14 shilede Almatydaǵy Ortalyq stadıonda ótedi.
