Shıktiń shedevr goly
Glazgodaǵy «Hempden Park» stadıonynda ótken oıynda Chehııa fýtbolshylary 1996 jyldan keıin Eýro dodaǵa alǵash ret qatysyp jatqan Shotlandııamen kezdesip, 2:0 esebimen jeńiske jetti. Oıyn taǵdyryn Germanııanyń «Baıer» klýbynda óner kórsetetin shabýylshy Patrık Shıktiń bir ózi sheship tastady. 25 jastaǵy shabýylshy alǵash birinshi taımnyń 42-mınýtynda kózge tússe, ekinshi taımnyń 52-mınýtynda matchtaǵy ekinshi golyn soǵyp, Chehııaǵa mańyzdy úsh upaı syılady.
Shıktiń birinshi goly óte qarapaıym jaǵdaıda soǵylsa, alańnyń dál ortasynan salǵan ekinshi goly osy týrnırdiń eń úzdik golynan birden-bir úmitker bolyp tur. Shotlandııa fýtbolshylary shabýyl uıymdastyryp jatqanda Djek Hendrıdiń tepken doby Chehııa qorǵaýshylarynan keri qaıtyp, ortada turǵan Shıktiń aıaǵyna kelip túse qaldy. Dopty óziniń yrqyna kóndirip alǵan soń shabýylshy qaqpashynyń qaqpadan alystap ketkenin baıqap alań ortasynan-aq qaqpany dál kózdedi.
Eýropa chempıonatynyń arǵy-bergi tarıhynda mundaı qashyqtan áli eshkim gol soqpaǵan. Shık dopty qaqpaǵa 45,44 metrden top etkize saldy. Bul Eýro úshin rekord sanalady. Buǵan deıingi rekord germanııalyq Torsten Frıngske tıesili edi (35,3 metr).
Joly bolmaǵan Polsha
Sankt-Peterbýrgtegi «Gazprom Arenada» ótken oıynda Slovakııa fýtbolshylary Polsha quramasy 2:1 esebimen jeńip, týrnır kestesinde kósh bastady. Ashyǵyn aıtý kerek, bul kezdesýde «Aq-qyzyldardyń» joly bolmady. Alǵash Polsha jáne «Iýventýs» klýbynyń qaqpashysy Voıseh Shensnyı 18-mınýtta abaısyzda óz qaqpasyna gol soǵyp alsa, 62-mınýtta Gjegoj Kryhovıak oıyndaǵy ekinshi sary qaǵazyn alyp, alańnan qýyldy. Bul – chempıonattaǵy birinshi qyzyl qaǵaz. Arada 7 mınýt ótkende Slovakııa qorǵaýshysy Mılan Shkrınıar Shensnyı qorǵaǵan qaqpadan sańylaý taýyp, quramasyna mańyzdy jeńis syılady. Polshanyń oıyndaǵy jalǵyz golyn 46-mınýtta jartylaı qorǵaýshy Karol Lınettı saldy.
Sevılıada sátsizdikke ushyrady
E tobyndaǵy ekinshi oıynda Ispanııa óz elinde Shvesııa quramasyn jeńe almady – 0:0. Match boıy oıynda ústemdik tanytqan Pıreneı túbegi eliniń ókilderi skandınavııalyqtardyń qorǵanysyn buza almady. Ispanııa fýtbolshylary 90 mınýt boıy dopty óz baqylaýynda ustap (75 paıyz!), Shvesııa qaqpasynda 17 soqqy jasaǵanymen, bul kezdesýde Lýıs Enrıke shákirtterine gol soǵý baqyty buıyrmady.
Sondaı-aq Shvesııa quramasynda da gol soǵatyn eki múmkindik bolǵanymen, olar da shabýyldy golmen túıindeı almady. Sóıtip Ispanııa men Shvesııa arasyndaǵy match osy chempıonatta gol soǵylmaǵan birinshi oıyn boldy.
