О́tken jyldyń qarasha aıynda Oralda «Marasant» JShS qurylys fırmasynyń dırektory Amanjol Qoneev tutqynǵa alynǵan. Ol memlekettik baǵdarlama boıynsha turǵyn úı qurylysyna bólingen 143 mıllıon teńgeden astam qarjyny jymqyryp, 1,5 mıllıard teńgeden astam somada salyq tóleýden jaltarǵan degen kúdikke ilindi.
Aıta keteıik, «Marasant» JShS kompanııasy 2019 jyldyń 15 shildesinde Moldaǵulova kóshesine kúrdeli jóndeý jumystarynan ótkizýdi bastaǵan. О́tken jyldyń qarasha aıynda jóndelgen joldyń sapasy tómen deńgeıde ekeni belgili boldy. Nysan áli de tapsyrylmaǵan, aıaqtalmaǵan jumystar da jetkilikti. Biraq jol qala turǵyndarynyń júrýi úshin ashyq. Osy jyldyń 6 naýryzynda BQO ákimi merdigerden atalmysh kóshe jolyndaǵy zań buzýshylyqtardyń joıylýyn talap etken.
Jeti aıdan keıin Amanjol Qoneevqa qatysty qylmystyq is Oral qalalyq sotyna berildi. Endi ol QR QK 195 «Aldaý nemese senimdi teris paıdalaný jolymen múliktik zalal keltirý» jáne QR QK 245 «Uıymdarǵa salynatyn salyqty jáne (nemese) bıýdjetke tólenetin basqa da mindetti tólemderdi tóleýden jaltarý» baptarynda kózdelgen qylmystar boıynsha aıyptalýda.
Botagóz Amalbek
