– Tekserý kezinde qaldyq gazdy berý klapanynyń aqaýynan «S-511» peshiniń jumysy toqtaǵany belgili boldy. Sol sebepten, aýaǵa «sary» tútin túrindegi kúkirt shyǵarylǵan. Departament basshylyǵynyń uıǵarymymen osyndaı aǵattyqqa jol bergeni úshin «Teńizshevroıl» JShS-ne qatysty əkimshilik is qozǵalyp, buzýshylyqtardy joıý týraly nusqama berildi. Onda qorshaǵan ortaǵa óz betinshe emıssııalarǵa jol bermeý jóninde naqty is-sharalardy əzirleý, sondaı-aq shtattan tys jaǵdaılar kezinde qondyrǵylar jelisiniń jumysyn toqtatý múmkindigin qarastyrý usynyldy, – deıdi departament basshysy Á.Bekmuhametov.
Onyń aıtýynsha, qazir ákimshilik isti qaraý prosesi ýaqytsha toqtatylypty. О́ıtkeni kompanııa basshylary tekserý nətıjeleri boıynsha toltyrylǵan akt pen joldanǵan nusqamaǵa baılanysty ekologııalyq retteý jəne baqylaý komıtetine shaǵymdanyp otyr. Alaıda, «Teńizshevroıl» JShS-niń Úkimetpen jəne jurtshylyqpen baılanys bóliminiń bas menedjeri Rzabek Artyǵalıevtyń málimetinshe, aýaǵa uzaqtyǵy 7 mınýtqa sozylǵan kúkirt dıoksıdi men qarapaıym kúkirt shyǵarylǵan. Osyǵan oraı ken ornyndaǵy qyzmetkerler men mamandar eshqaısysy medısınalyq kómekke júginbepti.
Atyraý oblysy
