Jańadan ashylǵan ortalyqta jedel járdem qyzmetkerlerine alǵashqy medısınalyq jáne adam ómirine qaýip tóngen jaǵdaılarda shuǵyl kómek kórsetý boıynsha kásibı biliktilikterin arttyrýǵa praktıkalyq turǵyda dáris ótedi. Bul úshin ortalyqta keńeıtilgen júrek-ókpe reanımasııasy úshin kóp fýnksııaly oqý manekeni, tynys alý joldarynyń fýnksıonaldy baqylaý trenajeri, kóktamyr ishine engizýge arnalǵan jattyǵý jastyqshasy, avtomatty syrtqy defıbrıllıator syndy 50 túrli oqytý qurylǵylary bar.
Medısına mamandaryn oqytýǵa arnalǵan jabdyqtar avtomatty túrde jumys isteıdi. Iаǵnı, praktıkalyq turǵyda jedel kómek kórsetý barysyndaǵy mamannyń durys ári burys áreketin qurylǵy arnaıy túster arqyly baǵalap, baǵyt-baǵdar berip otyrady.
Sondaı-aq jedel járdem stansııasyna tórt oryndyq sanıtarlyq kólik berildi. Zamanaýı jabdyqtalǵan avtomabılde ókpeni jasandy jeldetý apparaty, defıbrıllıator jáne kardıostımýlıator, reanımasııa sómkesi, kúıikke qarsy qurylǵylar syndy jedel kómek kórsetýge arnalǵan qural-jabdyqtardyń barlyǵy bar.
Aıta keteıik, qaladaǵy jedel járdem stansııasy janynan ashylǵan sımýlıasııalyq ortalyq elimizdegi joǵary tehnologııalyq qurylǵylarmen jabdyqtalǵan jalǵyz ortalyq.
