О́kpe qaterli isiginiń bir túri - bul 80% jaǵdaıda kezdesetin kishi jasýshaly emes qaterli isik, ol mıǵa metastazalaýdyń joǵary yqtımaldyǵymen sıpattalady, bul naýqastyń jaǵdaıyn edáýir nasharlatady jáne onyń ómir súrý sapasyn tómendetedi. О́kpe qaterli isigi kezindegi boljam, ádette, qolaısyz: bes jyldyq ómir súrý deńgeıi – 17,7%-dan aspaıdy. Sebebi, kóp jaǵdaıda ókpeniń qaterli isigi kez-kelgen emdeý tıimsiz bolǵan kezde ǵana kesh satyda anyqtalady. Otandyq ǵalymdar tarapynan bul tajaldyń aldyn alý úshin tıimdi preparat qajettigi sońǵy jyldardyń júzinde kóp aıtylyp júrgen bolatyn. Takeda Pharmaceuticals (Takeda) jahandyq bıofarmasevtıkalyq kompanııasynyń resmı ókildigi bolyp tabylatyn JShS «Takeda Qazaqstan» kompanııasy Qazaqstan naryǵyna ókpe qaterli isigin emdeýge arnalǵan jedel ınnovasııalyq preparatty shyǵardy. Ǵalymdar Alýnbrıg® (brıgatınıb) preparaty pasıentterdiń boljamy men ómirsheńdigin edáýir jaqsartýǵa múmkindik beretinin anyqtaǵan.
Targetti terapııanyń zamanaýı tehnologııalary qalyptasqan stereotıpterdi ózgertedi. Innovasııalyq onkologııalyq preparattardy ázirleýmen jáne óndirýmen belsendi aınalysatyn kompanııa jańa býyn Alýnbrıg® (Brıgatınıb) preparatynyń negizine aınalǵan molekýlany jasap shyǵardy. Synaq nátıjeleri boıynsha Alýnbrıg FDA-men maquldanyp, Eýropa, AQSh, Azııa-Tynyq muhıty aımaǵy, Japonııa elderinde ókpeniń ALK-pozıtıvti kishi jasýshaly emes qaterli isigi bar naýqastardy emdeýge arnalǵan ESMO jáne NCCN2 sońǵy usynystaryna engizildi. Endi Qazaqstanda da Alýnbrıg® qaterli isiktiń bul túrin ALK-pozıtıvti kishi jasýshaly emes ókpe qaterli isik terapııasynyń birinshi jáne ekinshi jelilerinde emdeýge bolady. Qazaqstandyq onkologtardyń qaramaǵynda isik jasýshalaryna targettik, ıaǵnı kózdemeli áser etýge múmkindik beretin jańa preparattyń paıda bolýy emdeý nátıjelerin aıtarlyqtaı jaqsartýǵa múmkindik bermek.
О́kpedegi isikke de, mıdaǵy metastazdarǵa da áser etýge múmkindik beretin preparattyń bolýy dárigerlerge osyndaı patologııasy bar pasıentterdiń ómir súrý deńgeıin edáýir arttyrýǵa múmkindik berdi. Osylaısha, ALTA-1L33 zertteýinde ókpeniń ALK-pozıtıvti kishi jasýshaly emes ókpe qaterli isigi bar naýqastardy brıgatınıbpen emdeý dástúrli terapııamen salystyrǵanda progressııa men ólim qaýpin eki ese (51%-ǵa) tómendetetini dáleldendi.
ALTA4 zertteýindegi eresekterdegi brıgatınıb synaǵynyń negizgi kezeńiniń nátıjeleri shynymen de tańqalarlyq boldy. Preparat isik kóleminiń tómendeýine ǵana emes, tipti úmitsiz pasıentterdiń ómir súrý uzaqtyǵyn edáýir uzartýǵa múmkindik berdi. Nátıjesinde, atalǵan preparat FDA-men metastatıkalyq kishi jasýshaly emes ókpe qaterli isigin emdeý úshin de, terapııanyń birinshi jelisinde de, krızotınıb preparaty kómektespegen nemese onyń tózimsizdigi bar naýqastar úshin de maquldandy.
– Biz Takeda–nyń onkologııa salasyndaǵy serpindi ázirlemelerin maqtan tutamyz, sonyń arqasynda endi Qazaqstanda ókpe qaterli isigi bar pasıentterdiń ómirin jeńildetý jáne olar úshin boljamdy jaqsartý múmkindigi paıda boldy. Biz mundaı ınnovasııalyq preparattar men terapııa ádisteriniń kómegimen pasıentterdi qoldaýdyń asa mańyzdylyǵyn kóremiz. Sondyqtan biz munymen toqtap qalmaımyz. Qaterli isik aýrýyn emdeýge arnalǵan jańa preparattardyń belsendi ázirlenýi jalǵasýda, - deıdi «Takeda Qazaqstan» dırektory Sabıra Salyhova.
