17 maýsym kúni tańǵy saǵat 5:00 shamasynda Patrýldik polısııa qyzmetkeri Turǵyndar qalashyǵy shaǵyn aýdanynda belgisiz eki jigittiń qabyrǵaǵa ballondy boıaý arqyly jazba salyp jatqandyǵyn baıqaıdy. Máseleniń mán-jaıyn anyqtaǵan polıseıler olardyń kámelet jasqa tolmaǵandyqtaryn anyqtady.
Al qabyrǵaǵa salǵan jazbalary esirtki saıttarynyń ataýlary ekendigi dáleldendi. Jáne de jasóspirimderdiń osyndaı jazbany qalanyń birneshe aýdanynda da jazǵandyǵy olardyń uıaly telefonyndaǵy fotosýretter arqyly belgili boldy.
Qazirgi ýaqytta atalǵan jasóspirimderdiń qylmysy boıynsha tergeý amaldary júrgizilýde. Al, túngi ýaqytta balalaryn qaraýsyz jibergen ata-analaryna qatysty QR ÁQBtK-tiń 442-baby boıynsha ákimshilik hattama toltyryldy.
