Sport • 18 Maýsym, 2021

Habıb Golovkınge birneshe keńes berdi

340 ret

kórsetildi

1 mın

oqý úshin

Jeńil salmaqta UFC uıymynyń chempıony bolǵan Habıb Nýrmagomedov Almatydaǵy baspasóz jıyny kezinde qazaqstandyq kásipqoı boksshy Gennadıı Golovkın týraly pikirin aıtyp, Saýl Alvarespen úshinshi ret sharshy alańda kezdespeýge keńes berdi, dep habarlaıdy Egemen.kz.

Gaýhar QAPASh

«Genamen tanyspyn. Bir márte kezdestik. Álemdik deńgeıdegi boksshy, onyń jekpe-jekterin baqylap júremin. Endi bir jekpe-jek ótkizip, aqsha jınap alý kerek. Sodan soń karerasyn aıaqtaýǵa bolady. Bul meniń jeke keńesim. Adamnyń jasy 35-ten asqan soń mundaı sportpen aınalysýdyń qajeti joq dep oılaımyn. Boks - aralas jekpe-jekke qaraǵanda jaraqaty kóp sport. Iá, aralas jekpe-jekte býynnan kóp jaraqat alasyń. Biraq boksta basyń saý bolmaıdy. Men onyń ornynda bolǵanda blogerlerdi sabaıtyn edim. Qazir «Kanelo» sekildi jalyndap turǵan jastarmen judyryqtasýdyń qajeti joq», dedi Habıb.

Aıta keteıik, 18 maýsymda «Almaty Arena» sport kesheninde Habıb Nýrmagomedovtiń Eagle Fighting Champiomship promoýsheni EFC 37 týrnırin ótkizedi.