Segizinshi jarys kúniniń shymyldyǵyn E tobynda synǵa túsetin Shvesııa jáne Slovakııa quramalary ashyp beredi. Alǵashqy týrda skandınavııalyqtar Ispanııa quramasymen teń tússe (0:0), Slovakııa fýtbolshylary sensasııa jasap, Levandovskıı bastaǵan Polsha quramasyn jeńip ketken bolatyn (2:1). Búgingi oıynda Shvesııaǵa jeńis aýadaı qajet ekeni barshaǵa tústikti. Al Slovakııa erterek toptan shyǵý máselesin qarastyratyny anyq.
Búginge deıin eki ujym jasyl alańda alty ret kezdesken. Sonyń úsheýinde Shvesııa jeńiske jetse, úsh oıyn teń aıaqtalǵan. Eki qurama arasyndaǵy sońǵy match 2018 jyldyń kúzinde ótken bolatyn. Joldastyq kezdesý aıasyndaǵy básekede 1:1 esebi tirkelgen. Bir qyzyǵy Shvesııa men Slovakııa 60 jyldyq tarıhy bar Eýropa chempıonatynda tuńǵysh ret kezdeskeli tur. Bul match QAZSPORT telearnasynda Nur-Sultan ýaqytymen 19:00-de bastalady.
D tobynyń ókilderi Horvatııa men Chehııa Glazgoda úsh upaıǵa talasady. Birinshi týrda Chehııa Shotlandııadan 2:0 esebimen basym túsken bolsa, Horvatııa quramasy Anglııadan 0:1 esebimen jeńilip qalǵan. Búgingi oıynda 2018 jylǵy álemniń vıse-chempıondary qalaıda úsh upaı oljalaý úshin baryn salady. Eki qurama arasynda ótken kezdesýler tarıhyna zer salar bolsaq, bul – Horvatııa men Chehııa arasyndaǵy tórtinshi teketires. Buǵan deıingi úsh oıynnyń bireýinde Horvatııa ústemdik tanytsa, eki kezdesý teń eseppen aıaqtalǵan. Bul oıyndy saǵat 22:00-de Qazaqstan telearnasynan tamashalaı alasyzdar.
Al D tobynyń ekinshi oıynynda Anglııa men Shotlandııa quramalary synǵa túsedi. Londonda ótetin kezdesýdiń basty favorıti aǵylshyndar ekeni eshkimge syr emes. Deı turǵanmen, Eýropa chempıonatyna kil myqty quramalar jınalǵanyn, onyń ústine bıylǵy birinshiliktegi túrli sensasııalardy eskerer bolsaq, Shotlandııa fýtbolshylary qarsylastaryna úsh upaıdy ońaı bere salmaıdy. Anglııa men Shotlandııa kezdesýin túngi saǵat 01:00-de Qazaqstan telearnasynan kórýge bolady.
