«Búgingi tańda Qosshy aýyly qarqyndy damyp keledi. Tıisinshe qosymsha ınfraqurylym qajet», dedi oblys ákimi Ortalyq kommýnıkasııalar qyzmetinde ótken brıfıngte.
Ákimniń aıtýynsha, aýylǵa oblystyq mańyzy bar qala mártebesin berýdi qarastyratyn algorıtm ázirlendi.
Aýylǵa oblystyq mańyzy bar qala mártbesin berý týraly qujatty ázirleýge Qosshy aýyldyq okrýginiń jergilikti qoǵamdastyq jınalysynyń hattamasy negiz boldy. Prezıdent jarlyǵynyń jobasy «Ashyq normatıvtik-quqyqtyq aktiler portalynda» jarııalandy.
Onda: «Qosshy aýylynyń qazirgi jaǵdaıy men damý bolashaǵy onyń mártebesin kóterý qajettigin kórsetedi. Aýylǵa qala mártebesin berý jyljymaıtyn múliktiń ótimdiligin, kásipkerler men turǵyndar úshin kásip qurý men ony damytýǵa arnalǵan nesıe resýrstaryna qoljetimdilikti arttyrady» delingen.
Aıta ketsek, Qosshy Aqmola oblysynyń Selınograd aýdanynda ornalasqan. Aýyldyń jalpy aýmaǵy – 2 413 gektar, halyq sany 50 myńnan asady.
Botagóz AMALBEK
