«Qurmetti elorda turǵyndary men qonaqtary! Biz áli de «qyzyl» aımaqtamyz! Kúndelikti COVID-2019 ınfeksııasynyń 250-300 jaǵdaıy anyqtalady. Bir jaǵynan, bul PTR testileriniń sanyn kóbeıtý arqyly, ekinshi jaǵynan, oqshaýlaý men sanıtarlyq normalardyń buzylýynan bolyp otyr. Ashyq jobasy arqyly karantın talaptarynyń óreskel buzylǵanyn kórip otyrmyz. О́zin-ózi oqshaýlaýy tıis (baılanysta bolǵan, juqtyrǵan) azamattar bar, biraq olar adam kóp jınalatyn oryndarǵa barýyn toqtatar emes. Osylaısha, koronavırýstyń taralýyna áser etip jatyr. Mundaı adamgershilikke jatpaıtyn buzýshylyqtardy toqtatyp, jolyn kesemiz!
Qala turǵyndaryn syrqattanǵan adamdardyń statıstıkasyna beı-jaı qaramaýǵa shaqyramyn. Árbir sannyń artynda bir adamnyń ómiri, olardyń otbasylarynyń taǵdyry tur!
Medısınalyq ruqsaty joq jáne áli vaksınasııalanbaǵan adamdar otpen oınap júrgenin bilmeıdi: olar erte me, kesh pe jeńiledi. Bul rette óz densaýlyǵyn ǵana emes, týystaryna, jaqyndaryna jáne qorshaǵan ortaǵa qaýip tóndiredi!
Byltyr, ıaǵnı jaǵdaı budan da aýyr kezde sanıtarlyq normalardy saqtaýdan basqa amalymyz bolmaǵan edi, al 2021 jyldyń basynan bastap vaksınasııa bastaldy! Vaksınasııa pýnktteri medısınalyq mekemelerde, sondaı-aq qala turǵyndaryna yńǵaıly bolý úshin SOO, SÚ jáne adam kóp jınalatyn basqa da oryndarda ashyldy. Vaksınasııa bárine tegin júrgiziledi. Onyń birneshe túri bar.
Kórshiles elderde koronavırýstyń taralýy kúsheıip jatqanyn bilemiz. Shtammdardyń jańa túrleri paıda bolady. О́zge elderde karantındik qosymsha shekteýler engizilip, jańa ınfeksııalyq stasıonarlar ashylyp jatyr.
Koronavırýstyń eń aýyr kezeńinde elordada tórt myńnan astam tósek-oryn ashtyq. Infeksııalyq stasıonarlarda non-stop rejıminde segiz myńnan astam medısına qyzmetkeri jumys istedi.
Qazirgi ýaqytta bizdiń stasıonarlarda 1000-ǵa jýyq adam em alýda. Tósek oryndarynyń júktemesi qazirdiń ózinde 50%-dy quraıdy!
Qalamyzǵa qosymsha shekteýler engizgimiz kelmeıdi. Bul qala ekonomıkasyna, turǵyndardyń ál-aýqatyna áser etedi. Sonymen qatar, kúzde jańa oqý jyly bastalady. Biraq balalarymyz úshin mektepterdi qaıta asha almaımyz.
Ujymdyq ımmýnıtet qalyptasqanǵa deıin qalamyz qalypty rejımge oralmaıdy.
Vaksınasııa adam ómirin qaýipti vırýstan qutqaratyn jalǵyz panaseıa. Biz eshbir dáleli joq, aýyzdan aýyzǵa taralǵan, ınternette, chattarda jazylǵan jalǵan áńgimelerge emes ǵylymı túrde dáleldengen qorǵaný tásiline senýimiz kerek. Vırýs adam jasyna qaramaıdy. Oǵan báribir. Ol meıirimdilikti bilmeıdi!
Dostar, ózińizdiń, jaqyndaryńyz ben týystaryńyzdyń ómirine beı-jaı qaramaýyńyz kerek! Biz aınalamyzdaǵy adamdar úshin jaýaptymyz! Vaksınasııa arqyly ózimizdi qaýipsizdendire otyryp, jaqyndarymyzdy qaterden saqtaımyz!», dep jazdy elorda ákimi.
