Oqý-jattyǵýdyń basty maqsaty – adam kóp jınalǵan jerde terrorlyq qaýip tóngen jaǵdaıda ózara is-áreket daǵdysyn jetildirý.
Oqý mindetteri terrorıstik kózqarasqa osal nysandardaǵy terrorızm aktisiniń jolyn kesý mehanızmin damytýǵa baǵyttalǵan.
Habarlanǵandaı, oqý-jattyǵý kezinde júris-turysty shekteý sharalary qarastyrylady.
Sol sebepti qalanyń terrorızmge qarsy jedel shtaby turǵyndardan atqarylyp jatqan amaldarǵa túsinistikpen qarap, qaýipsizdik erejelerin saqtap, jattyǵýǵa qatysatyn memlekettik organ qyzmetkerleriniń zańdy talaptaryn oryndaýdy suraıdy.
Sondaı-aq QR ÁQbK 443 babyna sáıkes, qoǵamdyq tártipti qamtamasyz etýge qatysatyn adamnyń zańdy talabyna baǵynbaý ákimshilik jaýapkershilikke ákep soqtyratynyn eskerý qajet.
