Osyǵan oraı jobalyq keńse densaýlyq saqtaý salasyndaǵy ashyqtyqty qamtamasyz etý úshin aýrýhana, emhana ǵımarattarynyń birinshi qabatyna ilý, resmı saıt pen áleýmettik jelilerdegi paraqshalarynda jarııalaý úshin bir tıptik úlgidegi aqparattandyrý qaǵazyn usyndy.
«Alaıda, 15 maýsymǵa deıin turǵyndardy aqparattandyrý men densaýlyq saqtaý salasynda kórsetiletin qyzmettegi ashyqtyq saıttar arqyly, keıbir emdeý mekemelerine baryp, basqarmanyń usynǵan málimetterge súıenip jasalǵan monıtorıngten baıqaldy. Máselen, Mahambet, Inder aýdandarynda jasalyp jatqan jumystyń kórsetkishi tómen. Qurmanǵazy, Maqat aýdandarynyń emdeý mekemeleri aqparatty óz paraqshalaryna jarııalaǵanymen, sýret nemese turǵyndarǵa yńǵaıly aqparattandyrý ınfografıkasy salynbaǵan. Al, Atyraý qalalyq №3 emhanada burynǵy tizim jańartylmaı tur. Erkinqala ambýlatorııalyq emhanasynyń úsh saıtynda da tegin dári-dármekter jaıynda aqparat salynbaǵan. Qyzylqoǵa aýdanynyń medısınalyq mekemeleri aqparatty tek óz saıtyna salǵan, al, áleýmettik jelilerge jarııalamaǵan. Kóptegen emhanada tek saıttar men áleýmettik jelilerge aqparattandyrý júrgizilgenimen, ǵımarattyń birinshi qabatyna ilinbegen», dep habarlady jobalyq keńseden.
