Buǵan deıin Aqtóbe qalasynyń turǵyndary shahardaǵy jaǵymsyz ıis boıynsha jıi shaǵymdanǵan bolatyn.
О́ńir basshysy Ońdasyn Orazalınniń aıtýynsha, Shalqar kóliniń máselesi sheshimin tapty. Memleket basshysynyń tapsyrmasymen ótken jyly jergilikti bıýdjet esebinen jobalaý-smetalyq qujattar ázirlendi. Bıyldan bastap úkimet tarapynan 3 mlrd teńgege jýyq qarjy bólindi.
«Qazirgi kezde kóldiń tabanyn tazartý, onyń sý aıdynyn qalpyna keltirý jumystary júrgizilýde. Joba 2 jylǵa josparlanǵan. Biraq merdigermen barlyq jumystardy jyl sońyna deıin aıaqtap, kóktemde sý tasyǵanda biraz sý jınap alamyz degen úmitimiz bar», dedi aımaq basshysy.
Sonymen qatar ákim óńirdegi ekologııalyq máselelerge toqtaldy. Onyń aıtýynsha, 2007 jyly salynǵan aýdany 60 ga jerde ornalasqan qaldyqtardy saqtaıtyn polıgon 25 jylǵa eseptelgen bolatyn.
«Qalanyń qarqyndy ósýinen ol qazirdiń ózinde tolyp tur. Sondaı-aq, jekeshelendirý prosesterine baılanysty burynǵy kommýnaldyq mekemeler joıyldy. Búginde myńdaǵan qoqysty jınaıtyn quraldar alynyp, tehnıka ákelinýde, polıgondy tazartý jumystary 1 qazanda aıaqtalady dep josparlanýda. Oǵan deıin tasymaldaý jáne qoqys jınaıtyn mekemeleriniń jumysyn júıege keltirý kózdelgen. Jyl aıaǵyna deıin bul másele sheshiledi», dedi oblys ákimi.
Onyń aıtýynsha, jaǵymsyz ıistiń shyǵýyn hımııalyq qosyndylar men bakterııalardyń kúshimen azaıtý sharalary qabyldanýda.
