Nur-Sultan qalasynda «Delta» («Úndi») shtammyna tán COVID-19 mýtasııasynyń anyqtalýyna baılanysty Vedomstvoaralyq komıssııa QR Bas memlekettik sanıtar dárigerine karantındik rejım boıynsha mynadaı qosymsha sharalar qabyldaýdy usyndy.
COVID-19-ǵa qarsy vaksınasyz (turaqty medısınalyq qarsy kórsetilimderi bar jáne aýyryp shyqqan adamdardy qospaǵanda) qyzmet kórsetý salasynyń qyzmetkerleri, iri uıymdasqan ujymdar (ónerkásiptik kásiporyndar) úshin jumysqa kirýge shekteý engizý);
KVI-ǵa qarsy vaksına alýdan bas tartatyn (KVI-ǵa qarsy vaksınalaýǵa medısınalyq qarsy kórsetilimderi joq azamattar) qyzmet kórsetý salasynyń, ónerkásip kásiporyndarynyń jáne ózge de uıymdasqan ujymdardyń qyzmetkerleri úshin mindetti PTR-testileý talabyn engizý);
«Ashyq» jobasyna jańa kásipkerlik sýbektilerin qosý úshin, sondaı-aq joba aıasynda jumys istep turǵan sýbektilerdiń jumysyn odan ári jalǵastyrý úshin barlyq personaldy (turaqty medısınalyq qarsy kórsetilimderi bar jáne aýyryp shyqqan adamdardy qospaǵanda) vaksınalaý qajettiligi jóninde talap engizý);
«Ashyq» jobasyna saýda oıyn-saýyq ortalyqtaryn, saýda úıleri men azyq-túliktik emes bazarlardy qosý.
Sondaı-aq Densaýlyq saqtaý mınıstrliginiń Nur-Sultan qalasy boıynsha karantındik rejımdi kúsheıtý jónindegi usynysy qoldaý tapty:
Senbi jáne jeksenbi kúnderi jumys isteýge tyıym sala otyryp, jumys kúnderi saǵat 17:00-ge deıin azyq-túlik emes taýarlardy satatyn saýda oıyn-saýyq ortalyqtarynyń, saýda ortalyqtarynyń, saýda jelileriniń jumys rejımin shekteý (osy obektilerde COVID-19-ǵa qarsy jappaı vaksınalaý pýnktteriniń ornalasýyna qaramastan);
senbi jáne jeksenbi kúnderi jumys isteýge tyıym sala otyryp, saǵat 7.00-20.00 aralyǵynda ǵımarat ishindegi qoǵamdyq tamaqtaný obektileriniń (meıramhanalar, dámhanalar, barlar, ashanalar) jumysyn shekteý, ashyq aýada saǵat 7.00-22.00 aralyǵynda shekteý («Ashyq» jobasyna qatysatyn obektilerdi qospaǵanda»);
jabyq azyq-túliktik emes bazarlardyń jumysyn demalys kúnderi jumys isteýge tyıym sala otyryp, saǵat 10.00-den 20.00-ge deıin shekteý (osy obektilerde COVID-19-ǵa qarsy jappaı vaksınalaý pýnktteriniń ornalasýyna qaramastan); sanıtarlyq talaptardy saqtaı otyryp, 100 adamnan assa, ashyq aýada jappaı is-sharalar ótkizýge tyıym salý (dinı, sporttyq jáne t.b.)
Sonymen qatar E. Toǵjanov ortalyq memlekettik organdarǵa, ákimdikterge shtammnyń joǵary kontagıozdylyǵyn eskere otyryp, «Delta» shtamynyń taralýynyń aldyn alý boıynsha barlyq sharalardy qabyldaýdy tapsyrdy. Densaýlyq saqtaý mınıstrligine ákimdiktermen birlesip, osy jylǵy 28 maýsymǵa deıin rezervtik qorlardaǵy tósek qoryna, kadrlyq qamtamasyz etýge, dári-dármekterdiń jetkiliktiligine tekserý júrgizý tapsyryldy.
Qorytyndylaı kele, Premer-Mınıstrdiń orynbasary halyqty koronavırýsqa qarsy vaksınamen qamtýdy ulǵaıtý qajettigin atap ótti.
