Reseı quramasy Eýromen qoshtasty

B tobynyń sońǵy týrynda pleı-off kezeńine merziminen buryn joldama alyp qoıǵan Belgııa men joldamadan úmitti Fınlıandııa quramalary kezdesse, ekinshi matchta alǵashqy eki týrda soqyr upaı da ala almaǵan Danııa men eki oıynnyń bireýinde jeńiske jetken Reseı fýtbolshylary úsh upaı úshin talasty. Al S tobynda Ýkraına Aýstrııamen kelesi kezeńniń joldamasyn sa­rapqa salsa, Nıderland Sol­tús­tik Makedonııadan emtıhan qa­byldady.

«Iohan Kroıf Arenada» (Amsterdam) ótken kezdesýde Nı­derland quramasy Eýropa chem­pıonatyna tuńǵysh ret qaty­syp jatqan Soltústik Make­do­nııa qaqpasyna jaýapsyz úsh gol soqty. Birinshi taımda Memfıs Depaı quramasyn esepte alǵa shyǵarsa, ekinshi taımda Djordjıno Veınaldým eki gol soǵyp, dýbl avtory atandy. Veınaldýmnyń eki golyna da Depaı assıstenttik jasady. Qorytyndy esep – 3:0. Endi Nıderland quramasy pleı-off kezeńinde A tobynda ekinshi oryn alǵan Ýels fýtbolshylarymen kezdesedi. Úsh oıynda birde-bir upaı ala almaǵan Soltústik Makedonııa úshin Eýropa chempıonaty aıaqtaldy.

Al qatar ótken ekinshi match­ta Aýstrııa fýtbolshylary Ýkraınadan basym tústi – 1:0. Oıyn­daǵy jalǵyz ári jeńisti goldy birinshi taımnyń 21-mınýtynda Krıstof Baýmgartner saldy. Nátıjeli pastyń avtory – Davıd Alaba. Osylaısha Aýstrııa quramasy óz tarıhynda alǵash ret Eýropa chempıonatynyń 1/8 ke­zeńine joldama aldy. Al Andreı Shevchenko shákirtteri tarazy basyn teńestirýge qansha umtylǵanymen, Aýstrııa fýtbolshylary qarsylastaryna gol soǵatyn múmkindik bergen joq. О́ıtkeni teń nátıje Ýkraı­na quramasyn kelesi kezeń­ge alyp shyǵatyn edi. Degen­men Ýkraınada áli de úshinshi orynmen 1/8 fınalǵa shyǵýǵa múm­kindik bar. Eger úshinshi týr qorytyndysy boıynsha Alek­sandr Zınchenko bastaǵan ýkraı­nalyqtar ár topta úshinshi oryn alǵan úzdik tórt quramanyń qata­ryna kiretin bolsa, jarys­ty ári qaraı jalǵastyra alady. Ázirshe olar qosymsha kór­setkish boıynsha tórttiktiń qa­tarynda tur. Al Aýstrııa pleı-off básekesinde A toby­nyń kósh­basshysy Italııa qura­masymen baq synasady.

Sankt-Peterbýrg pen Kopen­gagende ótken B tobynyń oıyn­darynda Danııa men Belgııa quramalary jeńiske jetti. «Dat dınamıtteri» sońǵy týrda Reseı fýtbolshylarymen kez­desip, iri eseppen basym tústi – 4:1. Kelesi kezeńge shyǵý úshin bul oıynda Danııaǵa tek qana jeńis kerek bolatyn, al Reseıge teń esep te jetip jatyr edi. Degenmen kezdesýdi reseılikter óte belsendi bastady. Matchtyń 18-mınýtynda Aleksandr Golo­vınniń gol soǵatyn tamasha múmkindigi bolǵan. Alaıda Kas­per Shmeıhel qaýiptiń betin qaıtaryp, qaqpasyn goldan aman saqtap qaldy. Arada kóp ótpeı danııalyqtar da qaýipti shabýyldyń qarymtasyn qaıtar­dy. 28-mınýtta Per Heıbergtiń alystan tepken doby qaqpa ba­ǵytynan sál qıys ketti. Dese de oıyndaǵy esepti birinshi bolyp Danııa quramasy ashty. Gol avtory – Mıkkel Damsgor.

Ekinshi taımnyń 59-mınýtynda reseılik Roman Zobnın pas berý sátinde óreskel qate ji­berip, ony Iýssýf Poýlsen tıimdi paıdalanyp ketti. 70-mınýtta Aleksandr Sobolev óz ko­mandasyna penaltı alyp be­rip, 11 metrlik núkteden Artem Dzıýba múlt ketken joq. Esep – 2:1. Biraq match aıaqtalǵanǵa deıin danııalyq fýtbolshylar Matveı Safonov qorǵaǵan qaqpadan taǵy eki márte sańylaý taýyp, oıynnyń núktesin qoıdy. 79 jáne 82-mınýtta Andreas Krıstensen men Ioakım Mehle mergendigimen kózge tústi.

Osylaısha sońǵy týrda ǵana jeńiske jetken Danııa ekinshi orynmen kelesi kezeńge joldama alsa, reseılikter Eýrodaǵy jo­­ryǵyn aıaqtady. Ekinshi matchta Bel­gııa Fınlıandııa qaqpasyna ja­ýapsyz eki gol soǵyp, 100 pa­ıyzdyq kórsetkishpen topta bi­rinshi orynmen 1/8 fınalǵa ótti. Al Fınlıandııa úsh upaımen úshin­shi orynǵa taban tiredi. Bir qy­zyǵy, Danııa, Reseı jáne Fın­lıandııa quramalary birdeı úsh upaı jınaǵan, biraq jeke kór­set­kish boıynsha Danııa ekin­shi, Fın­lıandııa úshinshi oryn­ǵa jaı­ǵasty.