Elimizde baǵasyn memleket belgileıtin dárilik zattardyń tizimi qysqardy. Bul dárihanalardyń arasynda básekelestik qalyptastyryp, sala kásipkerlerine qoldaý kórsetý maqsatynda jasalǵan shara deıdi úkimettegiler.
«Naryq qatań rettelgen. Patenttelmegen ataýy boıynsha ózara almasý bolǵanda memlekkettik baǵalyq retteýge jatatyn dári-dármekti qysqartý qarastyrylyp jatyr. Qazir trastqa qatysty retteý sheńberinde tek 2020 túrli aspektilermen 109 tergeý aıaqtaldy», dedi Básekelestikti qorǵaý jáne damytý agenttiginiń tóraǵasy Serik Jumanǵarın.
3700-den astam preparattyń baǵasyn endi dárihanalar ózi belgileıdi. Jyl basynda Kásipkerler palatasy eldegi dárihana bıznesine qoldaý suraǵan. Memlekettiń baǵa belgileýiniń kesirinen kóptegen kásipker shyǵynǵa batqan. Tipti keıbir preparattardy satýdyń tıimdiligi bolmaı, ony dárihanalardan tabý múmkin emes bolatyn. Máseleniń ekinshi jaǵy: baǵany belgileýge memleket aralaspaıtyn dárilik zattar endi qymbattaıdy.
