«Salyqtyq mindettemelerdi oryndaýdy smartfon arqyly júrgizýge bolady. Osy ózgeris 2022 jyldan bastap engiziledi. Qazirgi kezde salyq organdary osy qosymshany ázirlep jatyr», dedi vıse-mınıstr.
Sonymen qatar kásipker beresheginiń mólsheri 6 AEK-ten tómen bolsa, onda onyń shottary buǵattalmaıdy. Zańǵa engizilgen taǵy bir norma, salyq tóleýshi bankterge bereshegin tólegennen keıin oǵan shotyn birden paıdalanýǵa ruqsat beriledi.
«Qazaqstanda taýarlardy óndirýdi yntalandyrý maqsatynda, jańa tirkelgen kásiporyndar óz ónimin satqanda, qosylǵan qun salyǵy 70% azaıtylady. Osylaısha, salyq eseptelgen somanyń 30% mólsherinde ǵana tólenetin bolady. Osy jeńildiktiń merzimi – eki jyl», dedi A.Amrın.
Munymen qosa, óńdeý ónerkásibi salalarynda jumys isteýdi yntalandyrý maqsatynda jáne osy salalarǵa ınvestısııalardy kóbeıtý úshin jańa norma kózdelgen. Eger shaǵyn bıznes sýbektileri óz paıdasyn jańa negizgi qorlarǵa salatyn bolsa, onda osy paıdasy korporatıvtik tabys salyǵynan bosatylady.
Budan bólek, áleýmettik kásipkerlik týraly zańda da salyqtyq qoldaý sharalary qarastyrylǵan. Mysaly, áleýmettik kásipkerlik sýbektileri múlik salyǵynyń tómendetilgen mólsherlemesin paıdalanatyn bolady. Sondaı-aq eger áleýmettik kásipkerlik sýbektileri óz jumyskerlerin oqytatyn bolsa, korporatıvtik tabys salyǵyn eseptegende jumsalǵan shyǵyndary eki eselenip sanalady
