Korol saraıyndaǵy aýdıensııa barysynda qazaqstandyq dıplomat suhbattasýshyǵa Prezıdent Qasym-Jomart Toqaev pen Tuńǵysh Prezıdent - Elbasy Nursultan Nazarbaevtyń jyly lebizderin jetkizdi.
Elshi Prezıdent Q. Toqaev bastaǵan saıası jáne ekonomıkalyq reformalar, Qazaqstannyń halyqaralyq bastamalary týraly aıtty, sondaı-aq Korol Fılıpppen jáne onyń ákesi Korol Albert II-men jyly dostyq qatynasta bolǵan N. Nazarbaevtyń Qazaqstan-belgııalyq yntymaqtastyqty qalyptastyrýdaǵy tarıhı rólin atap ótti.
О́z kezeginde, Korol Fılıpp Prezıdent Q. Toqaev pen Elbasy N. Nazarbaevqa jáne barsha qazaqstandyqtarǵa ıgilik tiledi.
Taraptar Qazaqstan men Belgııa arasyndaǵy saıası, saýda-ınvestısııalyq yntymaqtastyqtyń negizgi máselelerin talqylady, pandemııamen kúresý jáne halyqty egý tájirıbesimen bólisti. Suhbattasýshylar, sonymen qatar, aýyl sharýashylyǵy, energetıka jáne jańartylatyn energııa kózderi salalaryndaǵy yntymaqtastyq perspektıvalaryn atap ótti.
Júzdesý sońynda Elshi ekijaqty jáne kópjaqty yntymaqtastyq sheńberinde Belgııamen qarym-qatynasty damytýǵa bar kúsh-jigerin salýǵa daıyn ekendigin bildirdi.
