Asyl maqsatyna jetý úshin bastaýysh synypta oqyp júrgende-aq nyq qadamdar jasaı bastaǵan. Ol mektep tabaldyryǵyn attaǵan kúnnen sabaqty úzdik oqyp keledi. Sportty janyna serik etken. Boks jáne dzıýdomen aınalysady, polısııanyń kishkentaı kómekshisi, jol qozǵalysynyń ınspektory.
Kishkentaıynan polısııa qyzmetine shyn qyzyǵýshylyq tanytqan Asyl Serik saqshylardyń bir kúnin basynan keshti. Ol aldymen kınologııalyq qyzmet ortalyǵyna baryp, qyzmettik ıtterdiń izge túsip, qylmyskerlerdi qalaı ustaıtynyna kýá boldy. Krımınalıstiń jumysymen tanysyp, jabdyqtalǵan oqý polıgonynda shartty túrdegi kúdiktilerdiń saýsaq izderin aldy. Arnaıy jasaqtyń qoıan-qoltyq shaıqasyn qyzyqtaǵan soń jol qaýipsizdigin qamtamasyz etetin patrýldik polısııa keıpine de endi.
Tabandy, eńbekqor jas úshin qýanyshty sát – Polısııa departamentiniń bastyǵy Saǵat Madıevpen kezdesý edi. Bas polıseı Departament mýzeıin aralatyp, jádigerlermen tanystyrdy. Asyl mýzeı sórelerindegi qylmyskerlerdiń qarýlaryn qolymen ustap kórdi.
Armanyna bir taban jaqyndaǵan Asyl úshin bul kún esten ketpes erekshe sátterge toly boldy. Ol ózin naǵyz polısııa qyzmeteri sezindi. Qýanyshty kún jasóspirimniń esinde máńgi qalý úshin ShQO PD bastyǵy Saǵat Mádıev oǵan komandırlik saǵat tabystap, bolashaq polısııa qyzmetkeriniń ata-anasyna úlken alǵysyn bildirdi.
Shyǵys Qazaqstan oblysy
