Dástúrli týrnır Qazaqstan Respýblıkasy Táýelsizdiginiń 30 jyldyǵy, Qajymuqan Muńaıtpasulynyń 150 jyldyǵyn merekeleý jáne ulttyq sport túrlerin damytý arqyly salaýatty ómir saltyn qalyptastyrý, jastardy ulttyq sport túrlerimen shuǵyldanýǵa tartý arqyly olardyń boıynda otansúıgishtik sezimdi qalyptastyrý maqsattaryn júzege asyrady.
Qazaq kuresi Assosıasııasynyń Sportty damytý dırektory Sábıtov Baqdáýlet «Qazaqstan Barysy» jobasynyń on jyl kóleminde júrip ótken jolyna sholý jasady. Sondaı-aq, Nur-Sultan, Almaty, Shymkent qalalary men oblystarda ótken irikteý jarystarynan 37 balýan joldamaǵa ıe bolǵanyn aıtyp ótti.
«Qazaqstan Barysy» týrnıriniń bıylǵy júlde qory ózgerissiz. Jeńimpaz atanǵan balýanǵa 25 000 000 teńge jáne altyn belbeý men altynnan quıylǵan aýyspaly «taıtuıaq» tabystalady. Ekinshi orynǵa 5 500 000 teńge jáne úshinshi orynǵa 1 800 000 teńge, sáıkesinshe kúmis jáne qola belbeýlermen marapattalady.
QR MSM Sport jáne dene shynyqtyrý komıtetiniń ulttyq sport jáne sportta múmkindigi shekteýli tulǵalarmen jumys basqarmasynyń basshysy Mahambetov Meırambek óz kezeginde qazaqstandyqtardy osyndaı ulttyq jobanyń mereıli merekesimen quttyqtady. Al, Qazaq kuresi Assosıasııasynyń bas dırektory Imambaev Samat elimizdegi qazaq kúresiniń kásibı negizde damýyn, álemdik arenadaǵy ornyn qalyptastyrý qadamdaryn atap ketti. Jobanyń úsh dúrkin jeńimpazy Beıbit Ystybaev «Qazaqstan Barysy» jobasynyń jas urpaqqa, sportshylarǵa degen erekshe áserine toqtaldy.
«Qazaqstan Barysy» qazaq kúresin qoldaý jáne damytý qorynyń atqarýshy dırektory Ýrazalın Serikbol: «aqtyq fınalǵa joldama alǵan 37 balýannyń 11-i alǵash ret baq synaıdy, sol úshin de bıylǵy týrnırde biz «Qazaqstan Barysy» jobasynyń jańǵyrý jolyna kýá bolamyz» dedi.
Týrnırdi «Nur Otan» partııasy, QR Mádenıet jáne sport mınıstrligi, Nur-Sultan qalasy ákimdiginiń qoldaýymen, «Qazaqstan Barysy» qazaq kúresin qoldaý jáne damytý qory men Qazaq kuresi Assosıasııasy uıymdastyrýda.
Nur-Sultan qalasynyń qyzyl aımaqta bolýyna baılanysty, 20 paıyz kórermenge ruqsat etilgen. Bıletter zakazbiletov.kz saıtynda satylady. Jankúıerler týrnırdi Qazaqstan jáne Qazsport telearnalary arqyly tikeleı efırden kóre alady. Resmı salmaq ólsheý rásimi 2 shilde, saǵat 19.00- de «Han Shatyr» SOSO belgilenip otyr.
