«Abaıdyń jumbaǵy» – elektrondy nusqada

Esterińizde bolsa, osy jyl­dyń sáýirinde «Egemen Qazaq­stan» gazetinde «Joqtaýshysy joq jazýshy» jáne «Ramzaıdyń «jum­baǵy» atty eki maqala ja­ryq kórgen edi. Onda biz qa­­lam­gerdiń eskerýsiz qalǵa­nyna qynjylys bildirip, shyǵar­ma­shylyǵyn nasıhattaýǵa qa­tys­ty birqatar usynys aıt­qanbyz. Bul usynystardyń bar­lyǵy Pavlodar oblysynyń basshylyǵyna arnaıy joldandy. Jazýshynyń kitaptaryn elektrondy nusqaǵa kóshirý bas­tamasy sol maqalada qamtylǵan bolatyn.

Oblystyq kitaphananyń О́l­ketaný jáne sıfrly tehnologııalar bóliminiń basshysy Maral Tájenovanyń aıtýynsha, kitaptardy sıfrlandyrý úshin jazýshy urpaqtarynyń resmı ruqsaty qajet eken. Tıi­sin­she, taraptar arasynda arnaıy ke­lisimshart jasalýy tıis.

– Osy jyldyń mamyr aıynda Qazaqstan Jazýshylar odaǵy Pavlodar oblystyq fı­lıalynyń dırektory Jar­qynbek Amantaı Almatyǵa arnaıy baryp, Ramazan Toq­ta­rovtyń urpaqtarymen kez­desti. Sol joly jazýshynyń ki­taptaryn sıfrlandyrý týraly kelisimshart jasaldy. Biz sonyń negizinde qalamgerdiń qazaq tilindegi 9 kitabyn jáne orys tilinde jaryq kórgen eki týyndysyn elektrondy formatqa kóshirdik. Atap aıtqanda, qa­zir jerlesimizdiń «Jerdiń úl­gisi», «Abaıdyń jumbaǵy», «Ba­qytty quldyqtyń aqyry», «Ǵasyr nany», eki kitaptan tu­ra­tyn «Ertis muhıtqa quıady», «Tańbaly jarǵaqtyń qupııasy», «Tulpardyń syny», «Ertis per­zenti», «Stepnye kornı», «Ir­tysh vpadaet v okean» se­kildi eńbekteri oqyrman qaýym­ǵa elektrondy nusqada qol­je­tim­di. Aldaǵy ýaqytta jazý­shy­­nyń basqa da kitaptaryn sıfr­landyrýǵa ázirmiz, – deıdi Maral Tájenova.

Joǵaryda atalǵan kitap­tar­dy E-KITAP.KZ onlaın kitap­hanasynan oqýǵa múmkindik bar. Sondaı-aq óńirdiń «QR ki­taphanasy» arqyly júktep alý jaǵy da qarastyrylǵan.

Bul rette R.Toqtarovtyń oqyr­­man qaýym joǵary baǵa­laǵan «Sýsamyr», «Teristik shu­­ǵy­lasy», «Biteý jara», orys tilinde jaryq kórgen «Hleb veka», «Taına mechenoı zam­shı», «Mýjskaıa drýjba» sekil­di ki­taptary da elektrondy nus­qaǵa kóshirilýi qajet dep bi­lemiz.

R.Toqtarovqa qatysty ja­ǵymdy jańalyq munymen shek­telmeıdi. Pavlodardyń ob­lys­tyq kitaphanasy taǵy bir jobany oıdaǵydaı júzege asyrdy. Dálirek aıtsaq, kitaphananyń ishinen «Ramazan Toqtarovtyń jeke kitaphanasy» ashyldy.

Munda qalamgerdiń Alma­tydaǵy shańyraǵynan arnaıy ákelingen kitaptar qoıylǵan. Onyń basym bóligin belgili aqyn-jazýshylardyń, kórnekti qoǵam qaıratkerleriniń ár jyldary R.Toqtarovqa qoltańba qoıyp, syıǵa tartqan kitaptary quraıdy.

Máselen, áıgili Ázilhan Nur­­shaıyqov 1970 jyly shyq­qan «Mahabbat, qyzyq mol jyldar» kitabyna «Qymbatty baýyrym Ramazanǵa, aǵalyq kóńilmen. 23.11.1970 j. Alma­ty» dep qoltańba jazyp, syı­ǵa tartypty. Sol sekildi So­fy Smataev, Zeınolla Se­rikqalıev, Ákim Tarazı, Beı­bit Saparaly, Jaısańbek Mol­daǵalıev, Bekmurat Ýahatov syndy ádebıet ókilderiniń aqjarma tilegi jazylǵan ki­taptar bar. Budan bólek Ra­ma­zan Toqtarovtyń jeke ki­tap­hanasyna uzaq jyldar boıy sáýle shashyp kelgen Muhtar Áýezovtiń, Ybyraı Al­tynsarınniń, Abaı Qu­nan­­baıulynyń, Shákárim Qudaı­berdıevtiń, Sáken Seı­fýl­lın­niń, Berdibek Soq­paq­baevtyń, Ǵabıden Mus­ta­fınniń, Sábıt Muqanov pen Muqan Iman­ja­novtyń kitaptary Al­ma­ty­dan arnaıy ákelinip, só­rege qoıylǵan.

–  Bıyl Qazaqstan Jazýshylar odaǵynyń Pavlodar oblystyq fılıaly men S.Toraıǵyrov atyndaǵy oblystyq ámbebap kitaphana birlesip, Ramazan Toqtarovtyń shyǵarmashylyq muralaryn izdestirý, jınastyrý jumystaryn qolǵa aldy. Osy oraıda oblystyq mádenıet, tilderdi damytý jáne arhıv isi basqarmasynyń qoldaýymen Almaty qalasyndaǵy jazý­shynyń shańyraǵyna arnaıy issaparmen baryp keldik. Biz­di qalamgerdiń qyzy Baqyt Rama­zanqyzy qarsy alyp, ákesiniń jeke kitaphanasymen tanystyrdy. Úlken bir tarıhı, ádebı mýzeıge kirgendeı áserge bólendik. Syr búgip jatqan ki­taptar, qattaýly turǵan qol­jazbalar, túrli fotosýretter erekshe sezimge bóleıdi. Qaı­tarda urpaqtary qalamgerdiń jeke kitaphanasynan 50 shaq­ty kitapty qolymyzǵa us­tat­ty. Onyń bárin oblys­tyq ki­taphanadan ashylǵan R.Toq­­­ta­rovtyń jeke kitapha­na­syna ornalastyrdyq, – deıdi Qazaqstan Jazýshylar odaǵy Pavlodar oblystyq fı­lıa­lynyń dırektory Jar­qynbek Amantaıuly.

Onyń aıtýynsha, bul R.Toqtarovtyń shyǵarma­shyly­ǵyn nasıhattaýǵa baǵyttalǵan jumystardyń bastamasy ǵana. Aldaǵy ýaqytta ádebı sharalar, forýmdar men konferensııalar uıymdastyrylmaq. Qalamgerdiń eńbekterin zertteý, nasıhattaý jumysy da jańa arnaǵa túsedi degen senim bar.

Aıtpaqshy, jazýshynyń urpaǵy Baqyt Ramazanqyzy ákesiniń Kerekýdegi jeke ki­tap­hanasyna shańyraǵynda saq­talǵan taǵy birshama kitapty syılaýǵa ázir ekenin jetkizdi.