«О́zderińiz biletindeı, Prezıdent Qasym-Jomart Toqaev «Jańa jaǵdaıdaǵy Qazaqstan: is-qımyl kezeńi» atty Joldaýynda aýyl ákimderin tikeleı saılaýǵa kóshý týraly tapsyra bergen bolatyn. Osy jyldyń 24 mamyrynda aýyldyq deńgeıdegi ákimderdi tikeleı saılaý máseleleri jónindegi zańǵa qol qoıyldy. Bul bastama jergilikti ózin ózibasqarý ınstıtýttaryn jappaı engizý tájirıbesi arqyly memlekettik basqarýdy ortalyqsyzdandyrýǵa qatysty negizgi saıası reformalar toptamasyn birtindep júzege asyrýǵa baǵyttalǵan», dedi ol OSK otyrysy barysynda.
Konstantın Petrovtyń dereginshe, elimizde 2 346 aýyl ákimi bar. Olar jańa norma engizilgennen keıin ókilettik merzimderi aıaqtalǵan soń tikeleı daýys berý arqyly saılanatyn bolady.
«Osy jyldyń sońyna deıin atalǵan sanatqa kiretin shamamen 775 ákimdi saılaý josparlanyp otyr. Osylaısha, azamattardyń tikeleı saılaý arqyly memlekettik basqarýǵa qatysýyn keńeıtý prınsıpi birtindep júzege asyrylady. Tikeleı saılaý arqyly aýyldyq aýmaqtardy basqarýdyń tıimdi tetikterin qalyptastyrý prosesine shamamen azamattardyń 40 paıyzy tartylady», dedi tóraǵa orynbasary.
