О́zgerister máslıhattardyń qyzmetine de qatysty bolmaq. Sessııa tóraǵasynyń laýazymy joıylady. Al máslıhat sheshimderin endi ádilet organdarynda tirkeýdiń qajeti bolmaıdy. Zańda jazylǵan taǵy bir jańalyq – eldi mekender mártebesiniń ózgerýine qatysty. Eger qala 5 jyl, al aýyl 3 jyl boıyna sol talapqa saı kelmese, ony olaı atamaıtyn bolamyz.
«Qabyldanǵan zań jergilikti mańyzy bar mindetterdi tıimdi túrde sheshý úshin aýyldyq, aýdandyq jáne qalalyq deńgeıdegi bılikke jańa múmkindikter beredi. Onyń ishinde bıyl jańadan saılanǵan máslıhat depýtattarynyń quqyqtaryn keńeıtedi jáne máslıhattardyń jumysyn jetildiredi. Aldaǵy ýaqytta osy ózgerister óńirlerdiń damýyna tyń serpin beredi dep senemiz», dedi Senat Tóraǵasy Máýlen Áshimbaev.
