Onlaın brıfıng barysynda Almaty qalasy densaýlyq saqtaý basqarmasy basshysynyń orynbasary Laýra Myrzaǵalı jalǵan vaksınaıa tólqujatyn satý faktisin boldyrmaýdyń jolyn aıtty.
«Biz barlyq medısına uıymdarynyń birinshi basshylaryna sybaılas jemqorlyqqa jol bermeýdi tapsyrdyq. Ol úshin kún saıyn óz ujymyn jáne vaksınasııa pýnkterin tekserip, baqylaýǵa alý mindetteldi. Árbir medısınalyq uıymnyń basshylaryna jaýapkershilik júkteldi.Qazirgi tańda bul máselege ár medısınalyq uıymnyń basshysy jaýap beredi, ıaǵnı, derbes jaýapkershilik bar. Eger mundaı áreketter anyqtalyp jatsa basshy atqaryp otyrǵan qyzmetinen ketýi de múmkin. Sondyqtan, olar bul týraly jaqsy biledi jáne eskertilgen», dedi Laýra Myrzaǵalı.
