Mamandardyń aıtýynsha «Delta» shtammy paıda bolǵannan keıin jurttyń kópshiligi densaýlyǵyna asqan jaýapkershilikpen qaraı bastaǵan.
«Vaksınanyń alǵashqy dozasyn 24 maýsymdaǵy jaǵdaı boıynsha 190,5 myńnan astam azamat aldy. Turǵyndar óz densaýlyǵyna jáne ózgelerdiń densaýlyǵyna jaýapty ekenin túsinip keledi. Biz muny «Delta» shtammynyń (úndi shtammy degen ataýmen belgili) qaýiptiligin túsine bastaǵandyǵymen baılanystyramyz», dedi Qoǵamdyq densaýlyq saqtaý basqarmasy.
Qala turǵyndaryn yntalandyrý úshin SOO-lar men saýda úılerinde kompıýterlik jáne turmystyq tehnıka, jeńildik kýpondary men sertıfıkattar túrindegi baǵaly syılyqtar oınatylady. Mysaly, Mega Silk Way SOO vaksınanyń birinshi dozasyn alǵandar arasynda avtomobıldiń utys oıyny ótetinin jarııalady. Osyǵan baılanysty vaksınasııalaǵysy keletinderdiń aıtarlyqtaı ósýi baıqalady. О́tken táýliktiń ózinde 450-ge jýyq adam vaksına aldy. Osyǵan deıin vaksınasııalanǵandardyń sany eki jarym ese az bolatyn.
«Biz vaksınasııa pýnktterinde ekpe alǵysy keletinderdiń sany artyp kele jatqanyn kórip otyrmyz. Mysaly, «Eýrazııa» saýda úıinde buryn kúnine 50-60 adam egilse, keshe shamamen 100 adam qabyldadyq. Sondaı-aq emhanalarymyzda da vaksınasııanyń ósýi baıqalady: keshe keshke 50-den astam adam egildi, al ótken táýlikte vaksınasııalanǵandardyń sany 100-ge deıin ósti. Qala turǵyndary jańa shtammdy juqtyrmas úshin qaýiptene bastaǵanyn aıtady, óz densaýlyǵyna jaýapkershilikpen qaraı bastaǵany bizdi qatty qýantady», deıdi qalalyq №6 emhananyń dırektory Dınara Baıserkına.
Eske sala keteıik, elorda ákimi Altaı Kólginov vaksınasııalanatyndar arasynda (jeke qarajat esebinen) eki bólmeli páterdiń utys oıyny ótkiziletinin jarııalaǵan bolatyn. Utys oıynyna osy jyldyń 25 maýsymy men 31 tamyzy aralyǵynda vaksınanyń birinshi komponentin alatyn 18 jastan asqan azamattar qatysa alady. Bul aksııaǵa medısınalyq mekemeler, sondaı-aq SOO/SÚ sııaqty qalanyń vaksınasııa pýnktterinde ekpe alǵandar qatysa alady. Konkýrsty ádil ótkizý jáne vaksınasııalanǵandardy tolyq qamtý úshin (kórsetilgen kezeńde) qalanyń IT-qoǵamdastyǵy jumyldyrylatyn bolady.
