Shymkentte jeńil ónerkásip toqyma buıymdaryn, kıim-keshek, bylǵary jáne oǵan jatatyn ónimder óndiretin kásiporyndar kóp. Atap aıtsaq, «AZALA Textile» JShS, «Araıly» JShS, «Jibek.N.M.» JShS, «Gaýhar» tigin fabrıkasy JShS, «AGF Grýpp» óndiristik kompanııasy» JShS, «ALATEX» JShS, «Jańatalap-MT» JShS, «KAZPLAST» JShS, «Shabıteks» JShS, «AZALA Cotton» JShS, «Álem-BT» JShS, «Hlopkoprom-Sellıýloza» JShS, «Bal Tekstıl» JShS, «Nazar tekstıl» syndy kásiporyndar qarqyndy jumys júrgizýde.
Al, toqyma ónerkásibin damytý jáne onyń básekege qabilettiligin arttyrý, otandyq maqtany tutyný úlesin ulǵaıtý jáne qosylǵan quny joǵary daıyn toqyma ónimin shyǵarý úshin 200 gektarǵa «Ońtústik» arnaıy ekonomıkalyq aımaǵy jumys isteýde. «Ońtústik» arnaıy ekonomıkalyq aımaǵynyń ınvestısııalyq portfeli jalpy quny 86,1 mlrd teńge bolatyn 44 jobadan turady. Búgingi tańda 22 joba iske asyrylyp, 32,6 mlrd.teńge somasyna ınvestısııa tartylyp, 2 282 jumys orny qurylǵan.
Aıta ketý kerek, «Ońtústik» AEA qatysýshy kásiporyndary iske qosqan sátten bastap 82,1 mlrd.teńgege ónim óndirip, ónimniń jartysynan kóbi 45,1 mlrd teńgege jaqyn jáne alys 22 shet elge eksporttaldy.
