Jańa qaýlyǵa saı boýlıng-ortalyqtarǵa, kompıýterlik klýbtarǵa, kınoteatrlarǵa, bılıard, karaoke, batýttarǵa, túngi klýbtarǵa, býkmekerlik keńselerge barýǵa shekteý engizildi. Demalys kúnderi kafe, meıramhanalar jabyq bolady. Tek jazǵy alańdar ashyq. Saýda-oıyn saýyq ortalyqtary da senbi, jeksenbide jabylady.
Al, aptanyń jumys kúnderi keshki 17:00-ge deıin isteıdi. Memlekettik organdar, ulttyq kompanııalar, kásiporyndar ákimshilik personalynyń keminde 80%-in qashyqtan jumys isteýge jiberedi. Qyzmetkerler COVID-19-ǵa qarsy vaksına saldyrǵan jaǵdaıda atalmysh nysandar bul talaptardy eskermeı, jumysyn júzege asyrady.
Koronavırýsqa qarsy ekpeniń tolyq kýrsyn alǵan jáne vırýspen aýyryp jazylǵan qyzmetkerlerge kúndizgi rejımde jumys isteýge ruqsat. JOO men kolledj stýdentteriniń bitirý emtıhandary qashyqtan ótedi. Qoǵamdyq kólikter jeksenbide toqtaıdy.
