10 jáne 21 maýsym aralyǵynda Ashyq jobasy aıasynda jumys isteıtin nysandarda «qyzyl» statýsy bar 570 jáne «sary» statýsy bar 879 adam tirkelgen. О́zin-ózi oqshaýlaý rejımin buzǵany úshin 9 adam ákimshilik jaýapkershilikke tartyldy.
Sanıtarııalyq-epıdemıologııalyq qyzmet organdary «qyzyl» statýsy bar qalǵan tártip buzýshylarǵa qatysty ákimshilik quqyq buzýshylyq týraly is qozǵaý jónindegi jumysty júrgizip jatyr.
Eske salaıyq, 10 maýsymda KVI-ǵa shaldyqqan naýqastar jáne olarmen baılanysta bolǵan adamdar úshin oqshaýlaýdyń mindetti rejımin kózdeıtin sanıtarııalyq-epıdemıologııalyq talaptar kúshine engen bolatyn. Belgilengen talaptardy oryndamaǵany úshin oqshaýlaý rejımin buzýshylarǵa 30 AEK nemese 87 510 teńge mólsherinde aıyppul salynady (QR ÁQBtK 452-baby).
