Muny qalaı túsinýge bolady?
Oıpyr-aý!
Keshe ǵana birneshe myńǵa ımbır izdep, hrendy jep, sarymsaq shaınap, tynystaryń tarylyp, ystyqtaryń kóterilip, kók jótel bolǵan ýaqytta, aýyzdaryńa kálımany alyp jaratqanǵa jalbarynǵan halyqtyń álem moıyndaǵan vaksınadan qashqaqtaǵanyna jol bolsyn!
О́tken jyly aýrý beleń alǵan ýaqytta, álem elderi aýrýǵa qarsy vaksına shyǵarsa saldyrar myna halyq dep oılaýshy edim.
Al búgin qalaı?
Úkimettiń tegin vaksınasy, tipti qalasań birneshe túri bar, Reseı, Qytaı tipti mine álemniń bes eliniń ishinde Otandyq vaksınamyz da bar.
Biz áli karantın dep júrmiz. Aýrýhanalarda áli de vırýs juqtyrǵandar azaıar emes, ólim-jitim de bar. Álemniń damyǵan elderi vaksınasyn saldyryp qalypty ómirge oralyp jatyr, bizge sol kún qashan týar eken?
Sizderdi qaıdam? О́z basym, aýyrǵan kezimde vaksına óńim túgil túsime de kirgen emes. Shúkir aman qaldyq, vaksına kelgen ýaqytta ony da saldyrdyq.
Vaksına saldyrar aldynda boıymda «antıtela» bar eken. Biraq, antıtela kez kelgen ýaqytta kemip ketýi ábden múmkin.
Bárimiz de karantınnen sharshadyq, baıaǵy qalypty ómirge qaıta oralǵanǵa ne jetsin? Al oǵan ne kedergi?
Eger el bolyp birden vaksına saldyrǵanda, shekteýler jeńildetilip, artynsha bir jola joıylar da edi. «Jumyla kótergen júk jeńil» deıdi, buıyrsa ol kún de alys emes dep úmittenemin.
«Qamsyz qazaq qartaıytqan Uly Abaıdy!»
Nur-Muhammed Mádeliuly
