«Astana EXPO-2017 halyqaralyq kórmesinen keıin keshenniń taǵdyry ne bolady degen suraq týyndady. Sol úshin arnaıy taldaý júrgizildi. Maqsat – «Astana EKSPO -2017» kórme keshenin odan ári tıimdi qoldaný. Taldaýdyń nátıjesinde keshenniń bolashaqtaǵy qyzmeti boıynsha tujyrymdama ázirlenip, 2018 jyldyń sáýir aıynda Memleket basshysymen bekitildi», dedi A.Sháıjúnisov BAQ ókilderine arnalǵan baspasóz týry barysynda.
Elordadaǵy EKSPO iskerlik ortalyǵy aýmaǵynda barlyǵy 15 nysan bar. Olardyń qatarynda «Nur-Álem» bolashaq energııasy murajaıy, Astana IT ýnıversıteti, halyqaralyq jasyl tehnologııalar jáne ınvestısııalyq jobalar ortalyǵy, «Astana» halyqaralyq qarjy ortalyǵy, Astana Hub IT-startaptar tehnoparki jáne basqa da kompanııalar bar.
«Odan bólek, qazirgi ýaqytta keshen aýmaǵynda «Sıfrlyq úkimettiń» keńsesi qurylyp jatyr. Jańa keńseni jyl sońyna deıin iske qosý josparlanǵan.
Osylaısha búgingi kúni EKSPO kesheniniń 98 paıyzy jumys istep tur. Iаǵnı bizdiń bazada iskerlik belsendilikti yntalandyrý jáne jetekshi damý ınstıtýttaryn tartý úshin tolyqqandy bıznes orta qalyptasty. Sonymen qatar keshen aýmaǵy kez kelgen deńgeıdegi is-sharalardy ótkizý úshin qajetti jabdyqtarmen qamtamasyz etilgen. Atap aıtqanda, zamanaýı ınfraqurylym men ekojúıe», deıdi ol.
