Jańa keńseniń jalpy aýdany 156 sharshy metr. Táýlik boıy jumys isteıtin polısııa qyzmetkerlerine jaıly jaǵdaı jasalǵan. Ýaqytsha tynyǵýy úshin demalys bólmeleri, onyń ishinde kıim aýystyrý jáshikteri, jýyný kabınasy men as bólme de bar. Turmystyq janjal kezinde ata-anasyn esh alańsyz kútýge arnalǵan balalar bólmesi de qarastyrylǵan.
«Qaýipsizdik Keńesiniń hatshysy Áset Isekeshevtiń tapsyrmasy boıynsha Maqsut Nárikbaev atyndaǵy Qazaq gýmanıtarlyq zań ýnıversıteti IIM-men birge servıstik polısııa pılottyq jobasyna qatysyp jatyr. Ýchaskelik jáne patrýldik polısııa qyzmetkerleri joǵarǵy oqý ornynda kıkiljiń psıhologııasy, emosııalyq ıntellekt, qujattardy resimdeý, kommýnıkasııa jáne quqyqtyq taldaý boıynsha biliktilik arttyrdy», dep málimdedi M. Nárikbaev atyndaǵy QAZGZÝ Basqarma tóraǵasy Talǵat Nárikbaev.
«Servıstik polısııanyń paıdasy bizge óte kóp tıip jatyr. Nárikbaev atyndaǵy KazGIýÝ ýnıversıtetinde bilim aldyq. Iá, kóńilimizden shyǵyp jatyr, qazirgi tańda qaǵaz jumystary birshama azaıdy. Elektrondy varıant degen óte yńǵaıly boldy», deıdi Almaty aýdandyq Polısııa basqarmasynyń №4 ýchaskelik polısııa qyzmetkeri Qýanysh Bákebaev.
