Vaksınasııadan keıin Elbasy qazaqstandyqtardy sanıtarlyq-epıdemıologııalyq qaýipsizdik talaptaryn saqtaýǵa jáne belsendi túrde ekpe saldyrýǵa shaqyrdy.
«Qazirgi tańda Qazaqstanda úsh mıllıonǵa jýyq adam vaksına saldyrdy. Búgin men de koronavırýsqa qarsy vaksına aldym. Barsha qazaqstandyqtardy belsendi túrde vaksınasııa jasatýǵa, odan qoryqpaýǵa shaqyramyn. Ásirese qazir vırýstyń jańa shtamy paıda bolǵan kezde vaksına salǵyzýdyń mańyzy erekshe. Bul óz densaýlyǵymyz úshin kerek. Biz kúrdeli ýaqytta ómir súrip jatyrmyz. Osy qıyndyqty birlesip eńserýge tıispiz. Barshańyzǵa shyn júrekten myqty densaýlyq pen baq-bereke tileımin», dedi Nursultan Nazarbaev.
