Is-sharaǵa respýblıkalyq telearnalardyń, jetekshi baspa basylymdarynyń jáne iri ınternet-resýrstardyń basshylary qatysty.
Mınıstr qatysýshylardy aldaǵy kásibı merekemen quttyqtap, bıylǵy jyly BAQ qyzmetkerleri kúni Qazaqstan Táýelsizdiginiń 30 jyldyǵymen tuspa-tus kelýi bul dataǵa erekshe ıdeologııalyq mán beretinin atap ótti.
«Jýrnalıstıkanyń qoǵamdyq mańyzy zor - sizder áleýmettik, dinı, ultaralyq, quqyqtyq salalarda túsindirý jumystaryn júrgizesizder, halyqtyń saýattylyǵyn arttyryp, qazaqstandyqtardy óz múddelerin, preferensııalaryn saqtaýǵa jáne qaıyrymdylyqqa tartasyzdar. Kóptegen jýrnalıster volonterlermen, ekologııa qorǵaýshylarymen tyǵyz jumys isteıdi, qoǵamdyq baqylaý toptaryna kiredi, túrli salalarda medıasııamen aınalysady.
Sizderdiń eńbekterińiz memlekettik organdardy keleńsiz úrdisterge nazar aýdarýǵa jáne qatelerdi túzetýge kómektesedi», dedi A.Balaeva.
Qatysýshylar kezdesý barysynda syndarly pikir almasyp, aqparattyq tehnologııalardyń damýy jaǵdaıynda BAQ transformasııasymen otandyq jýrnalıstıkanyń bolashaǵyna qatysty birqatar máselelerdi kóterdi.
