Qazaqstan tennıs federasııasy málim etkenindeı, D.Báıdáýlet fınalda kort ıesi, osy dodanyń 5-raketkasy Darıa Esıpchýkpen kezdesti.
Qazaqstandyq tennısshi 6:3, 6:1 esebimen jeńiske jetti.
Keshe D.Báıdáýlet juptyq synda lıtvalyq Ýma Bakaıtıtemen birge asa tartysty matchta ýkraınalyqtar Katerına Lazarenko - Anıta Sagdıevany 4:6, 6:3, 10:5 esebimen tize búktirdi.
Osylaısha Dana jekeleı jáne juptyq synda úzdik shyǵyp, absolıýtti chempıon atandy. Ol bıylǵy maýsymda buǵan deıin de bir ret fınalǵa shyqqan bolatyn.
Otandasymyz jarys barysynda qarsylastaryna birde-bir set bermegenin, aldaǵy ýaqytta da sheberligin jetildirýge bar kúshin salatynyn jetkizdi.
