AQSh ákimshiligi F-16 joıǵysh ushaqtaryn, Sidewinder men Harpoon zymyrandaryn Fıllıpın úkimetine 2,5 mlrd AQSh dollaryna satatynyn rastady.
Beısenbide AQSh tarapy Fıllıpınmen seriktestik boıynsha kelisimdi jańartatynyn, sonyń aıasynda qarý-jaraq satýǵa kelisim bergenin málimdedi. Pentagonnyń habarlaýynsha, Fıllıpın úkimeti 10 F-16C Block 70/72 ushaǵyn jáne 2 F-16D Block 70/72 ushaǵyn satyp alýǵa usynys bildirgen. Bul arsenal oqytý-jattyqtyrýmen birge eseptegende 2,43 mlrd AQSh dollaryna baǵalanady. Degenmen, ázirge ushaqtardyń Fıllıpınge satylǵany týraly resmı málimet joq.
Fıllıpın prezıdenti Rodrıgo Dýterte byltyr ǵana Qytaımen tyǵyz qarym-qatynas ornatyp, AQSh-tyń syrtqy saıasatyn synǵa alǵan bolatyn. Ol sonymen qatar Fıllıpınniń keıbir jeriniń Qytaıǵa ótýine AQSh-ty kinálaǵan.
Strategııalyq jáne halyqaralyq bilim ortalyǵynyń Teńiz qaýipsizdigi boıynsha sarapshysy Gregorıı Polıng Dýterteniń bul shaǵymy AQSh Fıllıpınge sapasyz qarý satqandyqtan, osyndaı oıǵa keldi dep boljaıdy.
