Bul derek el úkimetin ǵımarattarda maska taǵý týraly talapty qaıta engizýge jáne basqa sharalarǵa barýǵa májbúr etti.
Izraıl sheneýnikteriniń aldyn-ala málimeti boıynsha, koronavırýstyń jańa jaǵdaılarynyń 90 paıyzǵa jýyǵy delta shtamynan týyndaǵan. Sonymen qatar vaksına saldyrǵan 16 jasqa deıingi balalar vırýs juqtyrǵandardyń jartysyna jýyǵyn kórsetedi.
О́tken aptada Izraıl úkimeti 12 jastan 15 jasqa deıingi balalardy vaksınalaý naýqanyn bastady, bul mektep oqýshylary arasyndaǵy aýrýdyń kúrt ósýine baılanysty.
Izraılde koronavırýstyń «delta» shtamyn juqtyrýy múmkin ne baılanysta bolǵan adamdardyń barlyǵyn karantınge jatqyzý týraly sheshim shyǵaryldy. Bul jaǵdaıda adam buryn vaksına saldyrǵan nemese vırýs juqtyryp, keıin aıyqqan bolsa da, ımmýnıteti bar bolsa da karantınge jatqyzylady.
Sonymen qatar Izraıldiń Densaýlyq saqtaý mınıstrligi karantındi buzǵan balalardyń ata-analaryna 5000 shekel (1540 AQSh dollary) aıyppul salynatynyn málimdedi.
Izraıldiń 9,3 mıllıon halqynyń shamamen 55 paıyzy Pfizer-Biotech vaksınasynyń eki dozasyn aldy jáne aýrýdyń kúrt tómendeýi kóptegen ekonomıkalyq shekteýlerdiń joıylýyna ákeldi.
